ՏԵՂԵԿԱՏՎՈՒԹՅՈՒՆ ՎԱՐԿԱՅԻՆ ՊԱՏՄՈՒԹՅԱՆ ՎԵՐԱԲԵՐՅԱԼ

Վարկային զեկույցը գրավոր կամ էլեկտրոնային փաստաթուղթ է, որը պարունակում է վարկային տեղեկատվության սուբյեկտի (ֆիզիկական կամ իրավաբանական) և նրա կողմից ստանձնած տնտեսվարող կազմակերպությունների նկատմամբ ֆինանսական պարտավորությունների կատարման վերաբերյալ տեղեկատվություն:

Զեկույցը կազմված է ԱՔՌԱ անդամ կազմակերպություններից ստացված տվյալների հիման վրա և արտացոլում է հարցման պահից վերջին 5 տարվա վարկային տվյալները:

«Միկրո Կապիտալ Հայաստան» ՈւՎԿ ՓԲԸ-ն որոշումների կայացման համար կիրառում է սեփական վարկարժանության գնահատման համակարգը, որի մաս են կազմում և կարող են ունենալ բացասական ազդեցություն որոշման կայացման վրա Սպառողի վարկային պատմությունը, այդ թվում՝

• նախորդ 12 (տասներկու) ամիսների ընթացքում ժամկետանց օրերի քանակը,
• գործող վարկերի քանակը,
• վարկային ծանրաբեռնվածության աստիճանը

«Միկրո Կապիտալ Հայաստան» ՈւՎԿ ՓԲԸ կատարում է վարկային պատմության հարցումներ հետևյալ նպատակներով.

• նոր վարկ տրամադրելու համար (հարցման ձևանմուշներ՝ «նոր վարկային դիմում», «փոխկապակցված անձ»),
• երաշխավորության պայմանագիր կնքելու համար (հարցման ձևանմուշ՝ «երաշխավոր անձ»),
• գործող պարտավորության դեպքում մշտադիտարկում իրականացնելու համար («գործող վարկի մոնիտորինգ»),
• գործող պարտավորության դեպքում նոր առաջարկներ ներկայացնելու համար («գործող վարկի մոնիտորինգ»)

• այլ նպատակների համար, այդ թվում՝ «նոր աշխատակից» դիմում, «Ֆայկո Սքոր միջակայք» և այլն

Նոր վարկ տրամադրելու, երաշխավոր հանդես գալու և նոր աշխատակցի համար կատարվող հարցումները իրականացվում են համապատասխան հայտ ներկայացնելու դեպքում, իսկ մշտադիտարկումների և նոր առաջարկների դեպքում պարբերականությունը սահմանվում է «Միկրո Կապիտալ Հայաստան» ՈւՎԿ ՓԲԸ ներքին ընթացակարգերով:

Սպառողի կողմից ներկայացվող վարկային դիմումների քանակը (թվային մեծությունը)  մեծ հավանկանությամբ բացասական ազդեցություն է ունենում սպառողի վարկային ամփոփ գնահատականի վրա:

Միաժամանակ, ԱՔՌԱ Սքոր (ՖԱՅԿՈ Սքոր) գնահատականը մեծ հավանականությամբ իջեցնում են հետևյալ նպատակով կատարված հարցումները ՝

• Նոր վարկային դիմում
• Երաշխավոր անձ (նոր վարկային դիմում ենթանպատակ)

Իսկ, ՖԱՅԿՈ Սքոր գնահատականի վրա ազդեցություն չեն ունենում կամ ցածր հավանականությամբ ազդում են հետևյալ նպատակով կատարված հարցումները՝

• Գործող վարկի մոնիտորինգ
• Երաշխավոր անձ (գործող վարկ, գործող երաշխավորի մոնիտորինգ ենթանպատակներ)
• Փոխկապակցված անձ
• Այլ բանկային ծառայություններ
• Ֆայկո Սքոր միջակայք

Վարկային տեղեկատվության հարցումներ կատարելու համաձայնությունը պարտադիր պայման է հայտ ներկայացնելու համար։

ՀԱՄԱՁԱՅՆՈՒԹՅՈՒՆ

1. «Միկրո Կապիտալ Հայաստան ՈւՎԿ» ՓԲԸ-ն առանց ինձ նախապես տեղեկացնելու հարցումներ կատարի և ստանա տեղեկատվություն՝

• ԱՔՌԱ Քրեդիտ Ռեփորթինգ» ՓԲԸ-ից, այլ վարկային բյուրոներից՝ իմ և/կամ կազմակերպության ներկա և անցյալ ֆինանսական պարտավորությունների, երրորդ անձանց պարտավորությունների երաշխավոր լինելու մասին, ստանա ցանացած այլ տվյալ, որը կարող է առնչվել ինձ և/կամ կազմակերպության հետ համապատասխան վարկային (փոխառություն) և այլ պայմանագրեր կնքելու վերաբերյալ որոշում կայացնելիս, ինչպես նաև ինձ և/կամ կազմակերպության հետ վարկային (փոխառության և այլն) և այլ պայմանագրեր կնքելու դեպքում տվյալ պայմանագրի գործողության ողջ ընթացքում ցանկացած պահի ստանա իմ և/կամ կազմակերպության ֆինանսական պարտավորությունների վերաբերյալ տեղեկություններ և այլ տվյալներ։
• «Էլեկտրոնային կառավարման ենթակառուցվածքների ներդրումների գրասենյակից»` իմ անձնական տվյալների մասին:
• ՀՀ օրենսդրությամբ սահմանված հանրային տվյալների բազաներ մշակող անձանցից, իրավապահ մարմիններից, պետական և/կամ տեղական ինքնակառավարման մարմիններից` իմ և/կամ կազմակերպության վերաբերյալ ցանկացած տեղեկատվություն (այդ թվում՝ անձնական տվյալներ):

2. «Միկրո Կապիտալ Հայաստան ՈւՎԿ» ՓԲԸ կողմից իմ և/կամ Կազմակերպության տվյալները (այդ թվում՝ անձնական տվյալները) փոխանցվեն «ԱՔՌԱ Քրեդիտ Ռեփորթինգ» ՓԲԸ, ՀՀ Կենտրոնական բանկ, այլ վարկային բյուրոների և հաճախորդների վերաբերյալ տվյալներ մշակող այլ անձանց և/կամ պետական մարմիններին:
3. Սույն համաձայնությունը բոլոր նպատակների համար կիրառելի է «Միկրո Կապիտալ Հայաստան ՈւՎԿ» ՓԲԸ հետ հարաբերությունների գործողության ամբողջ ժամանակահատվածում:

Հարգելի՛ Հաճախորդ,

Սույն համաձայնությունը կիրառելի է Ձեր և «Միկրո Կապիտալ Հայաստան ՈՒՎԿ» ՓԲԸ միջև կնքված պայմանագրերի գործողության ամբողջ ժամանակահատվածի համար:
«Անձնական տվյալների պաշտպանության մասին» ՀՀ օրենքով սահմանված կարգով Դուք ունեք Ձեր տվյալների մշակման դադարեցման պահանջ ներկայացնելու իրավունք: Ձեր կողմից հայցվող դադարեցման պահանջը ներկայացվում է «Միկրո Կապիտալ Հայաստան» ՈՒՎԿ ՓԲԸ-ին գրավոր դիմումի միջոցով, որին ընթացք է տրվում միայն այն դեպքում, երբ դիմումում ներկայացված պահանջը հնարավոր է բավարարել` հիմք ընդունելով «Միկրո Կապիտալ Հայաստան» ՈՒՎԿ ՓԲԸ-ի ներքին իրավական ակտերը և անձնական տվյալների մշակման անհրաժեշտության բացակայությունը:

Սույն համաձայնությունը կարդացել եմ, հաստատում եմ, որ այն ինձ համար ամբողջությամբ հասկանալի ու ընդունելի է։